Die Wacht am Rhei, – merr hat kää Ruh,
Merr heert se alsfort brille.
Mer wille´s ja, zum Deiwel zu,
Un ääch um Gotteswille.

Heint Nacht um Zwelf erscht schlaf ich ei,
Da stolpern Zwää voriwwer
Und brille laut die Wacht am Rhei,
So daß ich uffwach driwwer.

Ich haw en ääch mein Dank gezollt:
Ihr Männer ihr, Ihre brave!
Wacht ihr am Rhei, so viel derr wollt,
In Frankfort laßt mich schlafe!

Friedrich Stoltze