Menu
- Authors
- Topics
- Database
- Quotes
- Movie Quotes
- Proverbs
- Poems
- Visuals
- Image Quotations
- Ordered
- Top rated
- Rarely read
Wos d´Liab oll´s is
Peter Rosegger
(Obersteirisch)
D´ Liab is a Rauba,
Möcht in Herzerle sein;
Und won ma nit aufmocht,
So brichts oan holt ein.
D´Liab is a Vögerl,
In Mai fliagts daher;
Thuas songa, schau, späta,
Do kimts neamamehr.
Und ´s Vögerl is hoamisch,
Mei Herz is sei Haus;
Hiazt, won ih ah aufmoch,
Fliagts neamamehr aus.
A hellklingends Glöckl
In Herzn is d´Liab;
Gib ocht, daß ´s koan Sprung kriagt,
Sist keits nocha trüab!
D´Liab is a Wasserl,
Rint unta die Bruck,
Und mei Herz is a Schifferl,
Kimt neamamehr zruck.
D´Liab is a Flamerl,
S´entzündt sich so gern,
Und wons d´ damit spielst,
Konst an Obrandla wern.
D´Liab is a Bleamerl,
Recht guat muaßt es pflegn;
Schau, d´Liab braucht a Busserl,
Wia ´s Bleamerl an Regn.