- Autoren
- Themen
- Datenbank
- Zitate
- Filmzitate
- Sprichwörter
- Gedichte
- Bildbotschaften
- Bildzitate
- Geordnet
- Bestbewertet
- Selten gelesen
Da Lehra fragt a´ Moiderl
Zephyrin Zettl
Bo ana Schulvisit:
"Sog ma vo´ n Vaterunsa
Schö´ af de vierte Bitt!"
Des Moiderl zupft in´ Fürderl
Und wird a´ wengl rout,
Aft wisplt´s: "D vierte Bitt geht:
Gib uns das tägli Brout."
"Is guat gwen," sagt a Schulrot,
"Eitz muasst mar ah daklärn,
We bitt ma´ denn grod netta
Um s tägli Brout den Herrn?"
We net gleih für a´ Wocha,
Wohl für an Monat goar,
We net für n gonzn Winta,
We net für s gonze Joahr?
Da Lehra schaut ejtz selba,
Olls lust, is mäuserlstat,
Do sagt der kloane Fürwitz:
"Wal s Brout süst hirt wern tat!"